2010˙南台灣之歌
【簡上仁師生•台灣風創作歌曲發表會的20首歌】
【演出歌曲•歌詞內容】
1. 衛武營（郭文卿/詞 簡上仁/曲）
（1）衛武營 兵仔營 每日出操攻山坪
衛武營 全民嬴 棄武從文轉運命
藍天綠地好條件 藝文公園雙落定
春風花香大樹影 留予子孫文化城
咱若來到這 快樂談心聲
咱若來到這 日日好心晟
（2）衛武營 藝術營 美妙歌聲滿山坪
衛武營 現代城 創新傳統做伙行
歌舞話劇音樂廳 人文美藝好名聲
我來關心您來晟 幸福高雄第一名
咱若來到這 快樂談心聲
咱若來到這 日日好心晟
2 我愛高雄（簡上仁/詞曲）
阮是一個打狗兄 每日進出高雄城
前鎮鼓山到左營 大街小巷阮知影
一心二聖接西東 三多轉彎透小港
四維大路美咚咚 五福街路全全人
來去六合迺夜市 七賢八德飲咖啡
九如十全好鄉里 高雄高雄我愛你
3 台灣風（林美雪/詞 蕭駿獻/曲）
台灣風 創作營 好漢聚集衛武營
展音樂 寫詩歌 鄉土文化傳生命
民謠風 著時行 古早現代攏出名
LaDoMi 台灣味 唱出真情眾人意
台灣歌謠出頭天 啊~出頭天
4 飲水嘛甜－嘉南平原（陳怡君/詞 簡上仁/曲）
（1）有一年的熱天 去到繁華台北市
暗時七彩燈光閃閃熠 照著阮的心內真空虛
嘉南平原 樹木青翠 田野開闊幾千里
鳳凰花開 燒通天邊 蛣咧喊喝過熱天
人心朝直無猜疑 歡頭喜面真誠意
親切相借問 飲水嘛甜
（2）有一年的寒天 去到北部的海邊
海風陰泠雨落未離 落甲予人心頭稀微
嘉南平原 炎天赤日 田野開闊幾千里
油菜花開 黃遍四邊 鳥仔找綬過寒天
人心朝直無猜疑 歡頭喜面真誠意
親切相借問 飲水嘛甜
5 台灣的咖啡（陳金花/詞 簡上仁/曲）
咖啡好香味 聞著心歡喜
入嘴苦苦喉甘甜 飲了減肥變嫷嫷
南台灣 好地理 北緯二三點五好位罝
台灣寶島一條絲 種出上好的咖啡
咖啡好香味 愈飲愈續嘴
嘸當延遲緊來試 飲一杯台灣的黑咖啡
6 嘉義查某（簡上仁/曲、詞改編）
（合）嘟嘟嗆嗆 嘟嘟嗆嗆 嘟嘟嗆嗆 嘟嘟嗆嗆 嘟嘟
火車欲行行鐵枝 五點五分到嘉義
嘉義查某真標緻 妳若欲嫁人 請妳寫批來通知
（男）嘉義查某 嘉義查某 （女）嘉義查某真標緻
（男）嘉義查某 嘉義查某 （女）嘉義查某點姻脂
（男）嘉義查某 嘉義查某 （女）嘉義查某笑咪咪
（合）嘉義查某 嘉義查某 做伙來去紅毛埤
火車欲行行鐵枝 五點五分到嘉義
嘉義查某真標緻 妳若欲嫁人
請妳寫批來通知 請妳寫批來通知
7 希望的天（許立昌、簡上仁/詞 簡上仁/曲）
（1）當三更半暝 老人破病的時
當米壅空空 囝仔發燒的時
當無依無偎 面憂面結的時
阮就想著您 親切的笑容佮慈悲
您共阮當做姊妹佮兄弟
將阮的病 當做您的病來醫
予阮看著希望的天 希望的天
（2）對虎尾街市 一直到偏僻的海邊
有您的病院 照顧著阮真適序
免去到外位 受風霜吃苦連
予阮渡過 無助驚惶的暗暝
這是主 巧安排 賜我的福氣
如今您是圓滿倒轉去 阮嘸甘的目屎潸潸滴
共您的精神 永遠傳落去 傳落去。
8 高雄調（黃文章、郭文卿/詞 高雄民謠曲調）
（1）高雄古名是打狗 打狗山頂滿山猴 山猴活潑車畚斗 遊客驚佮輾輾走
（2）柴山猴仔眾兄弟 創治遊客無法治 傳授絕技來搬戲 一兼二顧創生機
（3）過港隧道鑽過海 前鎮旗津翹目眉 貨櫃車隊排歸排 出出入入有未來
（4）街路一心到十全 好記好揣免文宣 清氣舒適閣美觀 大條曠闊直無彎
（5）文風古都鳳山城 鳳儀書院上出名 城門炮台舊兵營 廟寺古蹟歸山坪
（6）美濃上濟客家庄 祖先文物無拋荒 勤儉樸實顧家門 食苦當做蜜攪糖
（7）六龜寶來出溫泉 專治疲勞起畏寒 朋友相招來做伴 享受人生袂孤單
（8）打狗精神大發揚 港都日夜喜洋洋 市民熱情閣善良 歡迎逐家來高雄
9 舊鐵橋（陳珍儀/詞曲）
（1）大樹彼個舊鐵橋 公園開闊風景好
大人囡仔來 迌 打球散步蟯蟯趖
（2）大樹彼個舊鐵橋 風颱水災沒疼惜
青色草地已經沒 花蕊樹木全全倒
（3）大樹彼個舊鐵橋 心愛故鄉的記號
鳥隻懷念世間寶 期待燈火擱再著
10 大樹的國寶林昭地（陳珍儀/詞曲）
光復初 大樹鄉 林家陶藝傳四方
時代變 行別途 獨伊猶原手摸塗
夯鋤頭 褪赤跤 點香獻果敬拜山
加轆仔（ka-lak-á）踅袂剎 兩三百斤珠仔車
瓷仔窯（huî-á-iô）火無歇 獨門功夫紫雲燒
毋碭光（thn̄g-kng）保原色 百種器皿在你臆
留文化 為後世 慷慨無私傳手藝
鄉土味 好交陪 台灣國寶林昭地
11 幸福高雄人（吳春金/詞 蕭駿獻/曲）
高雄是幸福的城市 有好山好水好地理
物產豐富應四時 擱有厚厚的人情味
出國小港機場坐飛機 上北左營有高鐵
海港船隻滿滿是 對外交通真便利
夜市點心大碗擱滿漧 海產上鮮水果甜
愛河坐船賞景緻 衛武營散步看戲唸歌詩
高雄是幸福的城市 別的縣市無塊比
朋友啊 恁若有佮意 歡迎搬來佮阮做厝邊
12 上贊的水果佇高雄（周淑紫/詞 簡上仁/曲）
日麗風和好故鄉 人人踏實情義重
好山好水好品種 上贊的水果佇高雄
反覆：嘿嘿食水果 上贊的水果佇高雄
嘿嘿食水果 上贊的水果佇高雄
（1）欲食香蕉來旗山 旗山香蕉上迷人 人人奧佬Q擱香 食了予人心輕鬆
（2）大樹荔枝玉荷包 水份飽盈肉真厚 台灣智慧有夠敖 賺著外匯入咱兜
（3）咱來大樹食鳳梨 大樹鳳梨真澎派 拜拜若是用鳳梨 好運就會一定來
（4）燕巢茇仔攏無籽 肉貿脆脆香擱甜 食著續嘴好氣味 價值公道真便宜
日麗風和好故鄉 人人踏實情義重
好山好水好品種 上贊的水果佇高雄
13 討海人（簡上仁/詞曲）
天未光 就起床 討海的人來出門
出漁港 牽漁網 為著咱的全家人
啊— 緊來去 這陣是掠魚的好時機
啊— 拚落去 嘸拚咱就會掠無魚
風嘸驚 雨嘸驚 討海人勇氣最出名
海湧大 海風強 嘛無比阮的手骨勇
14 台灣風、新希望（簡上仁/詞曲）
台灣歌 唱袂煞 快樂的源泉
台灣情 唱袂停 幸福的火種
古早老調唱出聲 現代新歌嘛愛晟
互相鼓勵來打拼 台灣歌謠一定嬴
台灣味 真好聽 唱出台灣新生命
台灣風 真迷人 唱出台灣新希望
15 南部蕃薯（陳春陽/詞 簡上仁/曲）
北港出名是蕃薯 台灣形體親像伊
伊的吃法真多種 烘的煮的滲白米
阿公仔吃蕃薯 軟軟QQ香擱甜
阿嬤仔吃蕃薯 滿面歡喜笑微微
少年若來吃蕃薯 享受戀愛好滋味
囝仔看人吃蕃薯 嘴瀾煞來潸潸滴
大家攏來吃蕃薯 幫助消化又健胃
欲吃蕃薯趁這時 人人健康吃百二
16 若是到恆春（宋澤萊/詞 簡上仁/曲）
（1）若是到恆春 愛撿黄昏的時陣 天邊的晚雲 親像姑娘抹水粉
（2）若是到恆春 愛撿好天的時陣 海上的海船 有時駛遠有時近
（3）若是到恆春 愛撿落雨的時陣 罩霧的山崙 親像姑娘的温存
（4）若是到恆春 嘸免撿時陣 陳達的歌欲唱起 一時消阮的憂悶
陳達的歌欲唱起 一時消阮的憂悶
17 唱著心內彼條歌（謝武璋、簡上仁/詞 簡上仁/曲）
（1）您彈著月琴 唱著思想枝 思想枝 思（啊伊都）思想枝
（對彼個）恆春柴城唱去到嘉義 唱過彰化新竹
唱來到台北市（啊喂）
（2）您彈著月琴 唱著思想枝 感動咱大家 目屎（伊都）點點滴
（對彼個）青年男女嘛來提著吉他
唱出心內的歌詩（啊喂）
（3）阮若擱聽著 思想枝 思（啊伊都）思想枝
（對彼個）台北新竹唱去到著嘉義 唱過楓港柴城
唱到恆春去找您 直直找 直直找
永遠找無您（啊喂）
18 半屏山傳奇（龔振華/詞 簡上仁/曲）
半屏山 真臭屁 一四界 招人比
三塊豆干抵著天 天公聽了真生氣
雷公陳 展神威 轟一聲 山劈開
傳奇故事真趣味 道理教咱愛謙虛
19 凹仔底山（蔣日盈/詞 簡上仁/曲）
山低低 擱凹底 地名叫做凹仔底
山內一條菜礤溪 溪底流水弄舞花
有作田 有討海 祖先打拼來間採
山頂海風伴炮台 精神咱就傳落來
20 南台灣特產歌（學員集體創作/詞 簡上仁/曲）
來來來 來來來 大寮出鳳萊
鳳萊真正甜 大樹出荔枝
荔枝紅包白 赤山出草粿
草粿軟擱Q 麻豆出白柚
白柚水飽盈 鹽水出意麵
意麵Q擱香 北港出油葱
油葱好氣味 古坑出咖啡
咖啡糖免加 萬巒出猪脚
猪脚配魯蛋 來去嘉義吃雞肉飯
留言列表
