第四講 台灣早期女性的歌
一、母親的搖籃歌：如「搖啊搖」「搖荖搖」「搖子賢大漢」「嬰仔睏」
◎搖荖搖（傳統唸謠‧簡上仁 曲）
搖啊 搖啊 搖啊荖搖 搖到內山去挽茄
挽偌多？ 挽到一飯籬 也好吃也好賣 也好予嬰仔做度晬
◎搖子賢大漢（傳統唸曲）
搖啊搖 搖啊搖 搖子餓在叫
搖你大漢 我有所望 搖子賢大漢 搖子賢大漢
◎嬰仔睏（傳統歌曲）
來睏 來睏 目啁喀喀呀
電火熄去呀 天頂的月娘入去雲內睏去呀
二、查某囡仔時代：如「放雞鴨」「挨呀挨呼呼」「一的炒米香」
◎放雞鴨（傳統唸謠‧簡上仁 曲）
一放雞 二放鴨 三分開 四相疊 五搭胸
六拍手 七圍牆 八摸鼻 九揪耳 十拾起
◎一的炒米香（取材傳統唸謠，簡上仁/曲、編詞）
一的炒米香 二的炒韭菜 三的沖沖滾 四的炒米粉 五的五將軍
六的六子孫 七的蚵仔煮麵線 八的講伊欲分一半 九的九嬸婆
十的撞大鑼 打你千 打你萬 打你一千零五萬 羞羞羞 不見誚
猜輸不甘願 玩輸起蝦龜 不甘願 起蝦龜 我欲來去投老師投老師
三、從小到待嫁姑娘：如「育女歌」
◎育女歌（傳統唸謠 簡上仁 曲）
一歲兩歲手底抱 三歲四歲土腳趖 五歲六歲漸漸大 有時頭燒佮耳熱
七歲八歲真賢吵 一日顧伊兩支腳 九歲十歲教針黹 驚伊四界去庚絲
十一十二就打罵 就去予伊學洗衫 十三十四學煮菜 一塊桌面辦會來
十五十六欲轉大 驚伊佮人去風花 十七十八做親成 一半歡喜一半驚
四、初戀期：「六月茉莉」「茶山相褒」「駛目箭」「採茶歌」「思想起（日頭出來滿天紅）」「思想起（四重溪底全全石）」「農村酒歌」
◎駛目箭（四句聯）
1.桃花開花美擱紅 茉莉開花白擱香 阿娘目神真活動 目箭免弓射死人
2.目箭駛著透心肝 一陣燒熱一陣寒 又擱越頭過來看 相思病落穩昧活
◎茶山相褒（情竇初開）
1.男：這邊看對彼邊過 一陣查某彼呢濟斟酌給看較詳細 嘴在唸歌手挽茶
2.女：看著有人給阮看 無人做伴驚孤單不知伊是為按怎 那會來到阮茶山
3.男：挽茶查某心清香 含情脈脈愛看人中央彼個較美款 啥人福氣做她尪
4.女：阮來出聲給伊喝 來這歇涼較昧熱也有燒茶止嘴乾 無嫌來聽阮唸歌
◎思想起（日頭出來滿天紅）：恆春民歌
思想起 日頭出來（伊都）滿天紅 枋寮過了（伊都）是楓港（伊都哎唷喂）
希望阿哥來痛疼（哎唷喂） （哎唷）痛疼小妹出外人（伊都哎唷喂）
◎思想起（四重溪底全全石）：恆春民歌
思想起 四重灣底（伊都）全全石 梅花當開（伊都）會落葉（伊都哎唷喂）
小妹想哥未得著（哎唷喂） （哎唷）較慘托命吃傷藥（伊都哎唷喂）
◎ 農村酒歌（涼傘調）
(合)眾仙會合見面三杯酒 少年面紅老的在捻嘴鬚 一陣姑娘真正優秀
返來旋去是欲按怎樣 (男)來坐一下相應酬 不可害兄頭暈打歹目睭
(女)人阮是出來納涼找清幽 歹運碰著恁這的夭壽 僥倖欲死 食到這多酒
(男)勿生氣啦請飲一杯酒 (女) 阮無愛啦 恁若返去 會去撞大樹
(合)有酒可飲攏總勿記得憂愁 嘿！
五、熱戀期－歡樂篇：「五更鼓」
◎ 桃花過渡（歌舞小調，對唱）
（男）正月人迎尪 單身娘仔(伊都)守空房 嘴吃(那)檳榔(伊都)面抹粉
手拿珊瑚仔(伊都)等待君(伊都) 咳呀囉的咳 嘿呀囉的嘿
嘿呀囉的嘿呀伊都咳呀囉的咳
（女）二月立春分 無好狗拖(伊都)撐渡船 船頂(那) 食飯(伊都)船底睏
水鬼拖去(伊都)無神魂(伊都) 咳呀囉的咳 嘿呀囉的嘿
嘿呀囉的嘿呀伊都咳呀囉的咳
（男）三月是清明 風流查某(伊都)假正經 阿伯(那)宛然(伊都)楊宗保
桃花可比(伊都)穆桂英(伊都) 咳呀囉的咳 嘿呀囉的嘿
嘿呀囉的嘿呀伊都咳呀囉的咳
（女）四月是春天 無好狗拖(伊都)守港邊 一日(那)三頓(伊都)無米煮
也敢對阮(伊都)糕糕纏(伊都) 咳呀囉的咳 嘿呀囉的嘿
嘿呀囉的嘿呀伊都咳呀囉的咳
◎五更鼓
一更更鼓月照山 牽君的手摸心肝 君來問娘欲按怎 隨在阿君你心肝
二更更鼓月照埕 牽君的手入大廳 雙人相好天註定 別人言語不可聽
三更更鼓月照窗 牽君的手入繡房 佮君相好有所望 阿君僥娘先不通
四更更鼓月照門 牽君的手入繡床 雙人相好有所映 較好滾水泡冰糖
五更更鼓天漸光 恁厝爹娘叫吃飯 想欲開門叫君返 手按門閂心頭酸
◎玉蘭開花香透天（四句聯）
玉蘭開花香透天 挽入房間香歸暝 將花提入蚊罩內 半暝香到枕頭邊
六、熱戀期－思念篇：「思想起（恆春過了是車城）」「不肯放君返」
◎思想起（恆春過了是車城）：恆春民歌
思想起 恆春過了（伊都）是車城 花言巧語（伊都）不愛聽（伊都哎唷喂）
阿妹講話若有影（哎唷喂） （哎唷）刀鎗做路也敢行（伊都哎唷喂）
◎阿君欲返阮欲留（四句聯）
阿君欲返阮欲留 留君神魂用紙包 等君去後提來釋 日日看君在阮兜
七、熱戀期－哀愁篇：「半壁吊肉貓跋死」「三聲無奈」
◎半壁吊肉貓跋死（四句聯）
半壁吊肉貓跋死 看有吃無病相思 相思一病若是死 親哥做鬼欲尋伊
◎三聲無奈
1. 一時貪著阿君仔美 痴情目睭格瞇瞇 為君仔假愛來吃虧 害阮目屎四南垂
2. 二更過了月斜西 想阮那會命即歹 花開專望阿君仔採 無疑僥雄不應該
3. 三聲無奈哭悲哀 月娘敢知阮心內 失戀傷心流目屎 好花變成相思栽
八、出嫁的心情：如「小鬼湖之戀」「恆春牛尾絆」
◎牛尾擺（恆春地區民歌）
新娘：指頭咬落支支痛 阮的父母愛查甫 不愛阮查某子
父視：查甫、查某攏是子 妳來出世查某 就是韭菜命
新娘：新絞鱟杓歹扱菜 別人的父母歹款待
伯母：孫兒！加你交代的話你著聽好 去到人彼人會呵佬
新娘：我是憨慢人子兒 去到人彼人的飯碗 阮咁捧會起
母舅：孫兒！你的父母加妳惜命命 望妳嫁去到人彼會得人疼痛
阿姨：紅柿好吃是對佗起 去到人彼妳著嘸通忘恩佮背義
新娘：人的父母主意 是黑土濕潤地 阮的父母加阮主意是散沙石頭螺
阿嬸：孫兒！妳若去到人彼 人的牽教妳就愛聽 妳若到人彼 妳愛有孝大家官
新娘：我在厝是頂街搬後街 去到人彼安呢半項
母舅：孫兒！魚吃食流水 妳若嫁去到人彼就愛好嘴水
女伴：妹君！妳的父母加妳主意 千里路途遠 咱若欲來相找 準鳥來飛翅會軟
女伴：妹君！妳的父母來主婚 萬項代誌妳著愛吞圇（忍）
母親：查某子！父母加人妳飼到彼大漢 欲來分開拆散 阿娘也加妳真不甘
新娘：我是父母來主意 犁頭戴鼎安呢也著去
手捧一杯是欲敬雙親 另外一杯欲敬母姨佮舅妗
九、媳婦的角色：「做人的媳婦」
◎思想起（恆春民謠）
1. 思想起 桃花含唇（仔）（伊都）有胭脂，
李（仔）花（哪）獻白（仔）（伊都）無香味（仔）（伊都哎唷喂！）
舊情再來思想起（哎唷喂！）
甘蔗（哪）好食（仔）（伊都）雙頭甜（仔）（伊都） 哎唷喂！
2. 思想起 綠竹開花（仔）（伊都）綠竹青，
大（仔）某（哪）娶了（仔）（伊都）娶細姨（仔）（伊都哎唷喂！）
細姨娶來人人愛（哎唷喂！）
放捨（哪）大某（仔）（伊都）可憐代（仔）（伊都） 哎唷喂！
十、夫妻之間：「病子歌」「生蚵仔嫂」「百家春」「相思燈」
◎病子歌（歌舞小戲曲調）
1.（夫）正月算來囉桃花開（妻）娘今病子無人知（夫）君今問娘囉欲食什麼
（妻）欲食山東香水梨（夫）愛食我來去買（妻）你買給我食（夫）哎唷俺某喂
2.（夫）二月算來囉田草青（妻）娘今病子面青青（夫）君今問娘囉欲食什麼
（妻）欲食生蚵來打鮮（夫）愛食我來去買（妻）你買給我食 哎唷老尪仔喂
3.（夫）三月算來囉人播田（妻）娘今病子心艱難（夫）君今問娘囉欲食什麼
（妻）欲食紅酒即大瓶（夫）愛食我來去買（妻）你買給我食（夫）哎唷三八喂
4.（夫）四月算來囉日頭長（妻）娘今病子面帶黃（夫）君今問娘囉欲食什麼
（妻）欲食仙草滴白糖（夫）愛食我來去買（妻）你買給我食 哎唷老猴仔喂
5.（夫）五月算來囉扒龍船（妻）娘今病子心憂悶（夫）君今問娘囉欲食什麼
（妻）欲食五香雙羔潤（夫）愛食我來去買（妻）你買給我食（夫妻）哎唷三八（斬頭）喂
◎生蚵仔嫂（郭大誠 詞‧恆春民謠）
1.別人的阿君仔是穿西米囉 阮的阿君仔喂是賣生蚵
人人叫阮是生蚵仔嫂 欲吃生蚵仔喂是免驚無
2.別人的阿君仔是緣投送 阮的阿君仔喂是目睭拖窗
生做美醜是免怨嘆 人講醜尪仔喂是吃不空
3.別人的阿君仔是住西洋樓 阮的阿君仔喂是睏土腳兜
運命好歹是免計較 若有認真仔喂是會出頭
◎百家春（北管細曲）
當春芳草地 萬物皆獻媚 為了什麼事 拋了妻 遊遠地 重別離
憶昔別離時 二八少年期 到如今霜髮兩鬢垂 嘆一聲 青春不再來
夜來床上坐 兩眼淚哀哀 君你設使亡異鄉 亦當做夢來 存亡不可知
將琴彈別調 惟恐敗名節 多望春花開來深閨地 深閨終日悽涼淚滴
心傷亦又心傷 空斷腸 苦夜長 淚濡裳 悲傷
留言列表
